Regulae
Si vis membrum Anuli Interretalis Christianorum Iucundorum, hae regulae tibi sunt observandae:
Ⅰ. Symbolum Nicaenum adhibendum*
Symbolum Nicaenum omnibus Christianis orthodoxis (o parva) documentum fidei principale est. Quamquam hunc anulum interretalem quam inclusivissimum esse vellem, Christianis tandem solis est.
* Nota bene: ⅰ) licet tibi filioque aut accipere aut negare; ⅱ) licet tibi verba "unam sanctam catholicam et apostolicam Ecclesiam" quolibet modo intellegere.
Ⅱ. Situs personales soli
Situm tuum interretalem opportet primo natura personali esse (nexus ad merces aut donationes liciti sunt nisi materia situs prima). Situm tuum quoque opportet creationem HTML tuum esse. Hospites interretales, e.g. Neocities et Nekoweb, liciti sunt—vulgares situs sociales, e.g. Substack, illiciti.
Ⅲ. Iucundus esto
Nos Christiani iuste modo conversationis altiori iuncti sumus. Membris ergo prohibitum est ullum genus locutionis invidiae, grassationis, vexationis, maledictionis, intolerantiae, aut discriminationis invidiae agere. Spiritu bono dissentire et disputare licita sunt, dum civilia sunt. Te igitur opportet membrorum sociorum cogitationes opinionesque alias tolerare. Nec necesse est omnibus rebus consentire nec quidem amicos bonos esse, necesse tandem est caritate cohabitare.
"'In hoc cognoscent omnes quia discipuli mei estis, si dilectionem habueritis ad invicem.'" —secundum Iohannem ⅩⅢ:ⅩⅩⅩⅤ
Ⅳ. Materia Matura
Situi tuo licet materiam maturae/NSFW naturae continere, sed talem materiam tibi est aperte notandum et post monitum celandum. Ne etiam talis materia in pagina ingessus fuerit.
Ⅴ. Visibilitas
Te opportet vexillum vivum Anuli Interretalis Christianorum Iucundorum in situ tuo aperte et in loco facile inventu ponere. Optime positum est in pagina ingressus aut in pagina anulorum interretalum bene notanda. Non autem te opportet plus fidei tui in situ tuo habere. Licitum quidem est vexillo vivo solam notam Christianitatis tuae esse.
Ⅵ. Dominus Anuli verbum ultimum tenet
Ego Dominus Anuli facultatem reservo ullum situm ex anulo expellendi ullo tempore ullaque causa. Polliceor me tyrannum non fore et semper gratiose difficultates cum membris tractaturum; hic tandem anulus meus est, cuius regulas ego ipse facio.
Linguae
